تذكرني !
تابعنا على
Tenki no Ko منتديات العاشق

  • Kingdom
  • Slam Dunk
  • Tower of God
  • Kingdom
  • !Appare-Ranman
  • Digimon
  • Haikyuu 13
  • Dragon ball
  • alt="Waga Seishun no Arcadia"
  • Remy
  • D.Gray-Man
  • Kimi no Suizou
  • Pokemon
  • Dr. Stone
  • Ojamajo Doremi
Black Cat Princess Tutu Vinland Saga Miyori no Mori
قديم 03-13-2020, 04:43 AM   #401
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

المغرب من يوم الخميس اللي كان عطلتي ..~

||

الحمد لله اليوم انجزت فيه , اللي هو رميت كتير اواعي من خزانتي لانو صارلي اسبوع شايف انو الاواعي فيها كتير وبتغلّب , ومن وكت ما بلشت هاد التدريب صار اواعي محدده للشغل , لهيك شوفت انو ربع الاواعي بالحزانه مش راح البسهم .
كمان اللي شوفته اني بصرف مبلغ حوالي من 250 لل 300 $ بالشهر بس ع كريمات , وبالعاده كان مبلغ 100 للكريمات , لازم احاول امسك ايدي , لانو بكون عندي مصاريف تانيه غير الكريمات , ولسا بلشت التدريب جديد وفش مصاري , بس المهم انو كان عليا شويت مصاري دين سديتهم هاد كتير مهم .
اللعبه اللي حكتلكم عنها طوال اليوم وانا عم احاول احمّلها ومش راضيه , اشي بكهر وجربت كلشي , امبين العوض ع الله , والسناب كمان اليوم معلّق , شوفت حلقتين من جوجو وهاد الموسم مش عاجبني كمان .
اشبعت نوم هاد الاشي الحلو كمان , وامفكر اكص شعري ؟؟! او اعمل كيراتين ؟؟! بس المشكله الجدول تبع الشغل هاد الشهر مش منتظم , وصح عليا كصه الضرايب والله يستر هاي المره كم يطلبوا مصاري , الله يستر الله يستر .
حبي صارله حوالي اسبوع مكتر تواجد حواليا , ايش الكصه ؟ وبضل يسال عن صحتي ؟! ومش راضي يحكي عن صحته , وبتعرفوا انو رمضان الشهر الجاي ؟؟ يالله بالعاده امي بتكون هون , هاد الرمضاان من غير شر مش هون , بدي ابكي وانا عم احكي , وراح اشتغل بهاد الرمضان وراح يكون شغلي لل 9 بالليل , وفش بهجه رمضان , وعنا المرض زاد بكتير , في اشاعات انو يسكروا البلد , بديش يسكروها عشان من وين بدنا نجيب مصاري لاجار الدار ؟ مش كادر ابسّط الحياه وما اهكل هم واقلق .
||



جزء من صبّار كريس .

؛



مكان شغلي .

؛



مكان منا واكف وماخد الصوره , هاد لما انخنق من الشغل , بطلب اخد خمس دكايك اشم هوا , بطلع وبوكف هون , او مرات شايفين الدرج , بروح اكعد ع الدرج , لانو بحب اشوف الناس القبالي اللي بالبار لانهم بكونوا سكرانين بعز الظهر , البار طابق تاني , فوق منا كنت واكف وماخد الصوره , وهاد الدرج باخدهم عليه .

؛



هاد الشارع اتكطمو اجريا وانا بمشي فيه وبطلع الطلعه اللي بتهدني .. كل ليله ما بلاكي مكان كريب ع دارنا اصف السياره , بروح ع حارات تانيه , وهاي الحاره هي الحاره الوحيده اللي بلاكي فيه مكان , وانا عارف السبب عشان الطلوع البخوف الطويل . بعيد عن بيتي ربع ساعه مشي او تلت ساعه حسب طاكه المشي اللي فيا .

||








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 03-16-2020, 09:39 AM   #402
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

نص ليل من ليله الاحد || 3\15\20 ..~

||

الجمعه , كان من الايام المشغوله بالشغل , وكان في خوف انو واحد من اللي بشتغل معاهم جولان معاه المرض كورونا , لانه غاب خميس وجمعه عن الشغل , بس طلعت نتيجه الفحوص وفش معه , ورجع السبت , بس بيوم الجمعه كنت انا والمديره لحالنا بنشتغل , وفش اي احتمال انهم يغلقوا المحل اللي بشتغل فيه حتى لو اغلقوا البلد , يعني مجبورين انو نشتغل والله يحمينا , وحتى في خوف انو المحلات الاحجام االصغيره راح يسكروها وراح نتوزع ع المحلات الكبيره عشان ما بتعمل ربح زي ما بدهم , وانا بشتغل في المحل الصغير , وكمان كانت ليله الجمعه من الليالي الصعبه اللي ضيعت ساعه الا تلت بالزبط وانا اسوك بالشوارع ع امل الاكي مكان اصف سيارتي .

||

السبت بعد فتره طويله من انو انا وبنت اختي شهيره ما بنفتح مع بعض , كان من الايام اللي واخيرا راح تفتح مع بعض , لاني بالعاده هي بتفتخ وانا بغلق , وبحب نفتخ مع بعض مشان ناخد الغدا مع بعض , وحتى طلبت منها تيجي تاخدني عالشغل , بديش اروح بسيارتي من كتر ما اتغلبت ع مكان اصفها , لهيك اجت الصبح اخدت من الدار ورحنا مع بعض عالشغل واخدنا الغدا مع بعض وهي حتى عزمتني ع الغدا , وبعد الشغل روحنا ورجعتني ع البيت وكنت مبسوطه اني مش هاكل هم السياره , بس عنا طلعوا قرار المدارس مغلقه , وحتى محلات الابل مغلقه , الا الشركه اللي احنا بنشتغل فيها .

||

اما اليوم الاحد كمان شغل دوام بدري , واللي صار كمان , نفس شركتنا في محل فرع كبير جنب المول اللي بشتغل فيه , عشان هيك كل االناس بتروح ع الفرع الكبيره ومحدش بيجي عنا ع المول , بس اليوم صارت مشكله في نظام الكمبيوتر عندهم لهيك اول مره بسكروا المحل الفرع الكبير , وعشان ما يخربوها ع الموظفين جابوا جزء منهم عنا , واليوم كان الشغل كتير وملان ناس جايه عليا , انعجكنا اليوم غير شكل , بس اللي اجو يشتغلوا عنا ما عجبوني من مره , وكحين اشي مش طبيعي , واليوم كنت انا الصبيه الوحيده بين خمس شباب , بس ما انتبهت عحالي الا لما اجت المديره شوي وحكت شو يا مريم انتي البنت الوحيده اليوم ؟ اجت للتاكد انو رايحين ع العشا الليله , بس اليوم من الايام اللي زي كأني بلشت اتأقلم مع طارق , اليوم بعد ما خلصنا الشغل , كنا متفكين من حوالي اسبوعين انو المديره راح تعزمنا ع العشا بمناسبه عيد ميلاد جولان وجسيكا , قبل شهر كان في عزيمه بس مكدرتش اروح , هالمره حكيت بدي اروح لاني عنجد بدي اشوف جولان سكران والمديره , لاني اسمعت هديك المره الكل شرب بس جولان كتّر , وحكولي انو ما بطفي , لهيك الليله روحنا والاكل كتير عجبني , وجولان شرب تلات كاسات كبار وعيونه صاروا حمر ومع هيك ينعن شكله ما طفى ما طفى , كتير كعدت اضحك وما اكدرتش امسك حالي عليه , بس هو متعود عليا اني اضحك . اما المديره شربت بس كاستين نبيذ ابيض وما بدها تكتر مشان بنتها معاها , وحكتلها كنت استناكي انك تشربي اكتر , وهي حكتلها انا المديره تبعتك والرئيسه تبعتك مش لازم تحكي هيك , وانا اتخزبلت !! ومكنتش متوقع تحكي هيك . جيسكا ما شربت من اصله لانها كال صارت حامل ؟؟! وكال صاحبها مبسوط !! ما اكدبها . اما الباكي انا وشهيره وطارق ما بنشرب , وتي جي ولا حتى فتح هيك كصه ابصر ليش ؟! وكنت خايف انا بس ارجع البيت اتغلب في مكان للسياره بس الحمد لله الله هونها عليا .

||

لحد الان كل ليله بتغلب في النوم من ظهري , ارجعت زي ايام زمان ظهري وجع بخوف , زي ايام شفتات الليل وسهر الليالي مع شغلي الكديم , ما بنام اغلب الليل من الوجع , مرات بكدرش اتنفس منه ,بنام ع وجه الصبح وكت ما لازم اصحى وبكون احكي بس شوي انام بس شوي , بس مع هيك بصراحه بتحمل الوجع ومش مكهوره عليه , يمكن لاني عملت العمليه ع اشي اكبر والله هونها عليا وبحكي انو راضيه بهدا الوجع , وكمان ما باخد اي حبوب تخفف الوجع لاني اخدت ما فيها الكفايه زمان ع الكصه الكديمه تنزكر وما تنعاد , ع كد ما انا متوجعه منه ع كد ما نفسيتي متقبله الوجع , لانه وجع مش اشي بخوف كبير .

وصارلي من يوم الجمعه مش شايف روميو لاني مش فاضيه ولانو اظن كريس بداره , ودايما ساده بكون يستنى في روميو بس عنجد مكدرتش .


||









~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 03-18-2020, 10:54 AM   #403
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

من نص ليل التلاتاء , لسا شوي وبدخل الاربعا ..~

3\17\20 ..~

||

كنت مكتئبه لابو موزه , بده يصيرلي تلات ساعات , عالتخت صافنه, بعدين هيك احزنت عحالي شوي , وحتى ما عملت ولا اشي من روتين الليل لاني مش بمزاج ولاني تعبانه .

||

قبل ما ااحكي عن روتين ايامي , خليني احكيلكم عن شو بعقلي اد بكدر احكي بالاصل , راح احاول مشان ما اضلش احكيه لحالي وانجن , مر بحياتي كتير ناس وكتير شباب , عالواقع كانوا جدا رهيبين وكانوا عنجد اصحاب ومشتاكه لهديك الايام , بس كلهم ارتبطو ونسوانهم بكرهوني ومعاهم حك , لهيك يالله يالله احكي مع حد فيهم مره بالشهرين او اكتر , ودايما عندي الخوف اني اد بدي ارن يكون وكت مش مناسب واعمل وجع راس لاصحابي , لهيك الكل بعّد . ولما فكرت فيها هلكيت شوفت اني انا الاول اللي ارتبطت وبعّدت , انا اللي سافرت وتركت كلشي , يالله ما اقسى قلبي , يالله كيف كيف تركت الكل ؟ يالله كل ما تزكر الليالي اللي يتمنوا اني اغيّر رايي واضل عندهم , والحكي اللي يحكوه والدموع منهم اكتر مني , ولما تيجي لهاد الوكت انا مكاني والله مكاني ولحالي ودموعي ما بنشوفوا من خدّي كل ليله , عالنت اللي كان يبلش يحبني كنت عطول اشطبه من حياتي بدون اي ذره شفقه او ندم او حسره ولا كان يهمني , لاني بحب حبي كتير , في واحد منهم دعى عليا وبتزكر كلمته بس مش متزكر من هو منهم , يمكن ما تصدكوا بس انا صبيه بنسى كتير وما بتزكر الناس ولا شو حكولي لاني بتعامل مع الناس هيك تعامل سطحي ,( ويمكن الحكي اللي راح احكيه راح يخلي الناس اللي بتحكي معي تبعد عني بزياده) , وبحكي عن الناس بحياتي مش اللي بحبهم وبعزهم , وبتوصل مرحله انو حتى اللي بحبهم وبعزهم بنسى شو حكو , بس هاد الشب حكالي انو " الله يبعتلك واحد تحبيه وهو مش داري عنك " واتزكرت هاد الحكي من وكت ما الله بعتلي بحياتي شب معبى صفات خلتني اضعف واعجب فيه , ولما فكرت فيها شوفت لاني بمرحله الكل بحكي عنه كدامي , شوفت انو مش لاكي فيه اشي ينكره , شوفت الثقه اللي اعطاني اياها , شوفت فيه الصفات اللي براسي عن صديق ,عن صديق مش اكتر , شوفت حياته وشو فيها , عن الشخص اللي انا كونته بخيالي ليكون صديق , ومع هيك معنديش الجرأه اني اعمل اي اتصال معه , بالعكس لما اشوفه بهرب منه , وبعرف شو يعني تحب !فا لأ مش حب . بس يمكن عندي هاد الحماس انو الصديق الخيالي موجود كدامي ؟؟! وعم احاول اقاوم مشان ما اسقط ؟! او عم اهرب لاني ما كتير بعرف احكي معه , لانو الكلام ما بيطلع ؟! بس اظن انو هو بس الحماس والامل بانو نصير اصحاب , حبيبته حلوه ينعن شكله ..~


||

يوم الاثنين كان يوم عطلتي , اصحيت بدري لانو كان عليا موعد مع خواتي , وما افطرت ولا اشربت كهوه , اطلعت بدري وروحت اتحوجت لحالي اغراض وصار تلفون بيني وبين ايمان لاني حكتلها اوعك تتاخري زي عوايدك تارك الدار بدون تنظيف وصارلي يومين مش منظف لاني بتعب بالشغل وبرجع البيت بالليل وبطلع الصبح يعني فش وكت , ومع هيك انا خلصت الحواجه وهي لسا مش جايه , بس مكهرتش حالي , المهم كنت بدي كهوه , لهيك بعد ما هي اتاخرت ع الموعد نص ساعه , اجت وروحنا اشترينا كهوه وروحنا من محل لمحل حواجه اكل , ومكناش عارفين انو البلد راح تسكّر , كنا مستغربين انو محلات الاكل معبيا عالم وفش اكل ينشرى , وبعدين حكينا مع اختي اماني وروحنا جيبنها وكنا ميتين جوع , لهيك روحنا اكلنا , وارجعنا كملنا حواجه , وااوصلت الدار ع الخمسه العصر , كنت تعبانه وظهري بيلمع عليا وحاله , ضليت ع الكنبه ساعتين مكدرتش اكوم , بس لازم اكوم مشان تنظيف الدار , نظفت الدار الا اخوي جاي واسهرنا شوي وبعدين .

اما بخصوص الشغل ف اعرفت انو المحل اللي بشتغل فيه سكروه وفش رجعه , اولا عشان الكورونا , ولانو البلد خلصت سكرت عنا , يعني المولات مسكرينهم , ومحلات الاكل فش فيها اكل , كل الرفوف فاضيه , ومع هيك لسا البلد ما صارت مدينه اشباح , كل الموظفين معطلين وكل الشركات الا الشركه تبعتني الجعانه البخيله لازم نشتغل , لهيك عملوا نقل النا للمحل الكبير اللي جنبنا .

وصار بالليل طوشه كبيره بين الموظفين والمديره انو ليش بس الشركه تبعتنا بتشتغل والكل صار يتحجج بدوش يروح ع الشغل وطز طزين وكل هالكصص الا انا , المديره حكتلي الا مريم ما بصحلها تعطل لانها بفتره تدريب وما عندها اي ايام اجازه تاخدهم , اما الكل عندهم ايام اجازه , ومع هيك لازم تجيب سبب كبير ليش عطلت واعرف انو العطله مش مدفوعه , وفي فصل وكل هالكصص .

||

اما بخصوص اليوم التلاتاء , اتصلت عليا بنت اختي الصبح وحكتلي " المديره بدها منك تيجي الصبح تشتغلي بدل الظهر , ربع ساعه بكون عندك جهزي حالك " يعني اقل من ربع ساعه لازم اجهز حالي , وكنت مش مفطره ولا شارب كهوه والغسيل بالغساله ,وبعيد عنكم كان يوم لم الزباله لهيك كل السطول برى بالشارع لازم اعبرهم البيت , بخمس دكايك انا كنت جاهزه والخمس التانيه نقلت الغسيل من الغساله لل النشافه ودخلت سطول الزباله بعيد عنكم , وعملت كهوه واكلت خبزه عالسريع لانو بدي اخد دوا لانو وصلت لمرحله بكدرش اشتغل من ظهري , والا شوي وبنت اختي اجت , بالطريك حكيت مع امي , واوصلنا الشغل ع المحل الكبير , المحل المقرف عنجد كديش وسخ , بس انبسطت انو محدش من اللي بشتغلوا فيه اجو , بس اللي اشتغل فيه كان الفريق تبعنا بس , وكنا مبسوطين انو احنا لحالنا , ومع هيك مع انهم حكو سكروا البلد ومع انه فش عالم الا انو اليوم ما كعدت بالشغل دكيكه , كان ازمه كتير كتير وظهري وكف , يا عمي شو جاب العالم ما يضلوا ببيوتهم لشو هيك واحنا لولا مجبورين عالشغل , واتاخرت بالشغل زياده عن الميعاد وكانت المديره بدها مننا نتاخر اكتر بس شهيره ما بدها بدها تروّح , لهيك الحمد لله هي اللي جابتني ع الدار وكديش انبسطت مشان ما اتغلب في مكان للسياره .

||



راح ننجو هالليله ؟ غباش بدماغنا
راح نتجمع بالمحيط ؟ بالليله اللي عميقه ومش مخلصّه
فش مكان نتخبى فيه ... محيط اليأس والحزن
وين اللي بدّور ع الليل ؟
الحكي زي الحجار بعيني
السكعه بالسواد اللي جواي
لقد أنتظرتكِ دائماً . ارجعيلي .








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 03-27-2020, 09:51 AM   #404
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

من ليله الخميس . 3\26\20 ..~

؛

فوق الاسبوع غايب عنكم , لانو لسا اليوم الحمد لله صرت احسن , كنت مريضه اسبوع كامل , بعرفش شو مرضي وعشان كصه الكورنا كنت خايفه انو معي المرض , ولحد الان عندي خوف , وجع راس وسخونه ودوخه واستفراغ , باحدى ايام الاسبوع وصلت الدوخه معي انها تكعد وكت اطول ووصلت لمرحله السخونه بتزيد ولا اشي بخفف منها , لهيك بلحظه اتصلت ع اخوي يجي ياخدني ع الطوارئ وكان عندي بخمس دكايك , وبالطريك ع الطوارئ غيرت رايي , شوفت انو السخونه خفت , وخوفت انهم ما يرجعوني ع الدار وما اكدرش اروح ع الشغل ,بس كعدت يومين كاملات انام وانا كاعده وما انام من الهولسه من السخونه , وما اكلش اشي , وهاد ضرب وجع الظهر معي والرقبه لدرجه طلع ورم برقبتي كبير وبوجع وخوفت انه اشي بخوف , بس الحمد لله اليوم خف , اما كصه الدوخه معي بسيطه , بس صوتي رايح وورم زوري خف الحمد لله , بس لحد الان عيوني حمر اظن من كتر الاستفراغ والعياط , وكنت اروح ع شغلي غصب عني وكنت اخبي وجهي باقنعه عشان محدش يعرف اني مريضه .

كصه الشغل !! شركتي سكرّت اغلب المحلات الا تلات , وكل واحد في منظقه اطكع من التانيه بمعنى بدك سفر عشان تروح ع الشغل , وجمعّوا كل الموظفين بهدول التلات محلات , ولما طلبنا نروح ع المحل الكريب رفضو , لهيك انتقلنا ع محل في منطقه بالايام العاديه بدها ساعه ونص او ساعتين لنوصل للمنطقه , بس لانو بفتره فش كتير سيارات في الفري واي لهيك بياخد معانا ساعه الا شوي وانا طبعا ما بسوك لاني مريضه ولانو فش مكان احط سيارتي , لهيك بنت اختي بتاخدني معاها , وعندي يومين عطله بكرا وبعده .

اما كصه خواتي يوم عطله عندي حكتلهم ما يجيو عندي ع البيت عشاني مريضه واعدي اولادهم , بس هم ما صدقوا وحكو في سبب تاني , بس هو عنجد خوفت عليهم وع اولادهم , بديش يمرضوا ويكعدوا يلوموني , خوفت يكعدوا يلومني , وانا مش ناكصه حد يلومني , مش ناكصه اسمع كلمه من حد .

اوضاعي النفسيه مش كتير , لاني مريضه وبضل مريضه وبشوف حالي انو المرض زي الورده بضّل يتفتح معي من كصه لكصه وع كد ما آمنت بربنا انو بنقذني والحمد لله , بس بنفس الوكت بضل خايفه يكون معي المرض واعدي الحواليا واكون سبب , كديش هاد اشي بيحرقني من جوى , حتى لو اليوم انا الحمد لله بصحه ممتازه بس بضل خايفه , ولاني كمان بشوف حالي اني بطيئه في الاستيعاب في شغلي وانو الكل بيعرف وانا بعرفش , هاي اول مره بحس بهيك اني بعرفش , من وكت ما بلشت بهاد الشغل وانا بعرفش بعرفش ومش عارف اعرف .

حبي كتير بضل يحكي معي بعرفش ماله صارله فتره هيك خايف عليا مع اني ما حكتله اني مريضه ع كد ما بسال بس بديش اشغل باله , وهالشهر اخوتي الاوضاع الماليه صعبه عشان الحضر اللي صاير بالمدينه فش شغل , بس عشان بشتغل راح اساعد بالاجار للبيت هاد الشهر لانو معهومش .

وهاد اغلب الاشياء اللي متزكرها , وصح كالعاده اختي بعتتلي رقم شب اتعرف عليه وما عجبني وفش معه ولا اشي ايجابي واحد عشان احكي اه فا ما حكيت اه وصارت طوشه خفيفه , بالشغل بشوف زباين كديش عندهم كريزما رهيبه , بكون احكي بعقلي هيك يا اختي جيبي هيك , ومرات بحكيه لبنت اختي , بتحكيلي " خالتي خففي المستوى اللي بدك اياه"

بالنسبه للشغل بالاماكن الجديده , انتقلنا بالاول ع محل جنبنا وما عجبني المحل لانه مش نظيف ومش مرتب وبالاول محدش اجى من اللي بشتغلوا فيه الاصليين بعدين بلشو يرجعوا واكرهت الشغل بالمحل معاهم , اما لما انتقلنا للمحل البعيد , رهيب جدا , نظيف ومرتب وكل البشتغلوا شاطرين ولطيفين وبفهموا , حتى اللي اجو من محلات تانيه كانوا كمان رهيبين , عنجد هالمحل من المحلات الاحلام اللي اشتغل فيه ومع هيك ناس .









~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 03-28-2020, 08:53 AM   #405
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

من عشا الجمعه .. 3\27\20 ..~

||

الحمد لله اليوم من الايام الرايكه بحياتي , اسهرت امبارح شوي , ومع هيك عشان جسمي متعود اصحى بدري لهيك ما اتاخرت بالتخت , كومت رتبت البيت وافطرت واشربت كهوه وحكيت مع امي وخواتي , عالظهر عملت روتين الجمعه والحمد لله قبل ما يجيو خواتي , بعده اجو خواتي مع الصغار عندي وضلوا للعصر , وصار حكي , اتكاتلت شوي مع بناتهم عشان نفس الكصه وهي كصه الجيزه , خلص لازم الكل يفهم انو محدش الو عندي وخاصه هدول بناتهم المفعوصات يجيو يكعدوا يتفلسفو عليا , هاد الناكص ,شو يعني هو تقليد وكوبي وباست شو بشوفو امياتهم بعملو معي جاييت هم يعملوه معي ؟!!!! اي يالله يالله اتحمل خواتي وامي بهاي الكصه , اي حد بده يفتح تمو معي بهاد الحكي يعرف اني راح اقيم الدنيا وما اقعدها الا ع روسهم عشان يتعلموا انهم يفتحوه تاني مره معي , مش بحكو عني عاطله وقويه , بدي اصير دبل واكسترا وبلس معاهم , انا خلص انفجرت , انا خلص انجنيت , هيك نصيبي دخيل الله , نصيبي هيك بالجيزه معقد وصعب ويمكن فش نصيب من اصله اني اتزوج , محدش يحكي معي بالموضوع محدش .. هاد اشي مش بايدي , كيف العالم تفهم انو الجيزه مش بايد حد ؟ كيف يرضوا ويقتنعوا , اد بدهومش , انا بدي اقلب الدنيا عليهم عشان خلص يصير وجودي تكيل عليهم ويبعدوا عني . واختي حكت عن مقوله هي عن اسراري وهي " مريم ما بتحكي عن حياتها العاطفيه , ولا حتى حياتها الماليه ولا حتى شو بدها تعمل ؟" انا هيك طيب ايش الجديد ؟ ليش بضلوا يرمو حكي عن شو انا وانهم بدهم يجرحوني او انهم يرموا جوابات تسم بدني ؟ ليش لما يشوفوا ردت فعلي " اه انا هيك " بسكتوا وبتفاجئوا من ردت فعلي ؟! بدكم اكدب عليكم ؟ او بتفكروني بعرفش شو انا ؟ هو في شغلات لحد الان بعرفهاش بحالي وبتفاجئ من ناس بتلاقيها فيا , بس هلكيت كل الحكي اللي خواتي رموه عن شو انا بعرفه عن حالي وبعترف عنه , ولا لأ لازم ما اعتز بصفاتي السيئه ؟ او لأ اغيّر شو انا عشان حضرتهم انهم اثروا عليا وعملوا اشي ؟ عم احكيلكم , بعز خواتي وبحبهم والله شاهد , بس اخر فتره لما اوصلت لمرحله انهم هم كانوا السبب باني اقتل حالي واموت كافره , خفت المعزه , هم جرحوني ومحدش بشر بالدنيا جرحني , لا اصحاب ولا حبي , لما صرت اشوف بكلامهم اني الشمّاعه لمشاكلهم , اني السبب بكتير مشاكل وانا مش السبب وربنا عارف , بس صار بالدنيا لما تكون ع حق ولما ادافع عن الحق تبعك انك عاطل وقوي ومشكلجي , زمان كنت دايما احكي مع خواتي باليوم كتير , واد واحده اتاخرت بالرد اخاف عليها , هلكيت صارت تمر ايام ولا احكي معاهم الا يالله يالله صباح الخير , للاسف حقدت عليهم , لانهم ما وقفوا معي , وقفوا مع اولاد الحرام الله ياخدهم عنده وحسبي الله عليهم كلهم واحد واحد , اللي كانوا سبب بمشاكلي مع خواتي واللي خواتي عملوهم اشي كبير , ولا وقفوا مع اختهم , بالعكس كل كلامهم انو الحق عليا وانو السبب مني وانا الغلط مني , وما فهموني , محدش بفهمني بالدنيا محدش , بس يالله هالكصص كلها بتقربني من ربنا .

بعد ما خواتي اتسهلوا , رتبت البيت من وراهم واتغديت , وحكيت مع حد من معارفي ,خلينا نسميه عشان كتير بحكي عنه , عيونه . اللي صار انو امبارح بالشغل شوفت زبون بشبهه كتير لهيك خطر عبالي , هو الشب العربي اللي بينا مصلحه , بعتله مسج اطمن عليه , رجعلي بمسج فيه كلمه " ورده " وكلمه " اخت " ورده واخت بعينك والله هاد الناكص انت التاني , تكعدش تتغزل فيا , وانا مش اخت حد مش من لحمي ودمي , بس يالله يمكن خايف , وحكى راح يرجعلي بتلفون , وبالزبط بعد بخمس دكايك شوفته بتصل عليا , حكينا شوي واطمنت عليه وكان كديش مبسوط وهو يحكي معي , وبضل يحلّفني انو اد بحاجه اي اشي بس احكيله وانا بعرفه والله انو كدها , بصراحه عيونه من الشباب المميزين بحياتي , وفيه شغله متلي بالزبط لهيك بعرف لو كد ما اغيب وارجعله واحكي معه ما بسكّر الباب بوجهي بالعكس بفتحه اكتر وبكون سعيد بعودتي .

عندي ملاااااااااااااان قائمه افلام لتنشاف اخ ع قلبي اللي هيك بنط بدو يشوفوهم كلهم , بس بشوف بالقناص , بتعرفوا شو , استغربت من حالي بانو ملااااان مجريات من القناص المدبلج متزكرها ومش موجوده بالمترجم اللي هي كصدي قناص التسعينات وقناص الالفين , كيف هيك متزكر ؟! يا عمي ليش زمان الشغلات تتخلد بعقلي هلكيت ولا اشي بضّل , كلشي بطير من عقلي لو كد ما كان حلو ورهيب , وبعدين واحده من العاب البلستيشن اللي اشتريتها ما اشتغلت وعصبت وكسرت البيت تبع السيدي وكحطت السيدهات وحاله , لهيك اشتريت لعبه تاني نصحني فيها حد من اصحابي , قتلت وحشين وشوفتها سهله وبعرفش شو احكي عنها الا لما اخلصها , جنبي كتاب راح ابلش فيه , الليالي اللي صحتي منيحه واللي فش عليا دوام الصبح بقرأ لو نص ساعه قبل النوم وهاد بيدخل بروتين الليل .لازم مره احكي عن روتيني الليلي اللي كتير بخفف عليا صعوبه يومي .

||






لاكي اللي بتحبه وخليه يقتلك !

انا ما اشتكتلك بس زهكانه !

شغلات بدي احكيها بس ما حكيتها !

عيون وبعدين ابتسامه !

مش بحاجه سبب لتساعدني !

تخافش قلبي مكسور بالاصل !

قرار غلط بعمل كصه حلوه !

احكيلي قبل ما تروح عليك !

خليت الشباك مفتوح تع خدني !

انت مش اهلك , فكر بحالك !

كون صريح او طير !

بلبس اسود بس عقلي ملوّن!

خلينا نكون اصحاب بالحب !

||

بشوفكم عخير ()








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 03-30-2020, 08:09 AM   #406
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

من ليله الاحد || 3\29\10 ..~

||

احكي عن يوم السبت ..~

اصحيت متاخره, وما عملت اي انجاز من مره , هاد شو كان براسي اعمله , اصحيت عشره الصبح , وحكيت مع امي شوي , كومت افطرت واشربت كهوه وشوفت حلقه من مسلسل نسر الصعيد مع اخوي لانو ما راح عالشغل , بعدها ارجعت ع التخت وشوفت انمي القناص اللي واصله لحلقات مش كتير مغرم فيها لهيك صرت اوقف مشاهدته , الى فلم كوري كمان مش هالحلاه من مره , الى بلستيشن وقتلت الوحش التالت بالصدفه , فطست عحالي ضحك , هو اللغز خطر ببالي شوي بس طنشته , ولما عصبت من الوحش حكيت بعقلي بسحب كلامي الوحش صعب , وطب الا انحل اللغز من حاله , وصلت الوحش الرابع وطفيت البلستيشن , لسا اللعبه مش عشقانها , واجيت ع المدونه اني ابلش احكي الا اجاني تلفون من حبي وما ارجعت لانو صارت طوشه كبيره معاه , هو هالشهر هاد اول ما يصحى بضل يحكي معي وومش عارفه ماله ؟! مرات بكون كتير حواليا , بس امبارح كعدنا نحكي تلات ساعات وطول التلات ساعه وهو بقاتل عليا , خلص وصلت معه لمالطا , يبي شو كعد يغلط ويسب ويهدد , متاكده لو كنت كدامه كان خبطني بالحيط , مش عارفه كيف احكي الحكي بس امبين انو هو مريض عالاخر وامبين بده يودع !! حكالي بصريح العباره تعي نموت مع بعض , خلص بده اياني انزل واترك امريكا وبالعاده دايما بحكي هالحكي , بس زودها امبارح , هو مش عارفه كان ماخد اشي حتى هيك كان بالحكي , مطول عمري عشيقه بنفعش هو يحلم باكتر من هيك , حكتله مليون مره انا مش الك , وتفكرش راح نتزوج , ومرات بقسي عليه بكلام قاسي ليصحى من الحلم , وعالفاضي ! اخ يبي كديش دعى عليا وع اي حد بده يجي يتزوجني , دعى بالموت , عشان هيك انا اغلب حياتي مريضه من دعاويه , وبضل يعيد نفس الحكي حلم ابليس بالجنه انك تتزوجي , يبي شو حكى , يبي شو مش مسامحني , بعرفه ومجربته , اول ارتباط الي عمل كصه طويله واتكاتل مع الاكس تبعي وفضايح صارت , ف متاكده لو ارتبطت راح يعمل كمان كصص , وحكاها . لما امي حكتلي انو لهيك متصعبه الامور عليكي منه وطلع معاها حق , معاها حق انو كلشي بصير بحياتي منه ومن دعاويه , بتصير كصص مع كل شب بشوفه بخصوص كصه الجيزه بتكون شغلات غريبه بتخلّي العقل في الكف , بتخرب الامور ع ابسط الكصص , ولما انا اضحّي واحكي خلص راح اوافق الشباب هم بصيروا بدهومش , وكد ما حكيت لحبي انو بنفعش بنفعش اللي انت بتحكيه وبتعمله عالفاضي دق المي وهي مي , بنفعش اللي انت بتعمله فيا وكله برجع عليا وع صحتي وع حياتي , برجع وبكمل دعاوي عليا , عنده اموت ولا اكون لحد تاني , وبدوش اشي وكلشي بنحل عنده اد انزلت تركت امريكا وانزلت عنده , هاد كلشي بنحل عنده مش عندي , والله اناني حيوان , انا مش عارفه ليش هيك معطي قيمه الي , ليش كل هالهبل اللي بيعمله ليش ؟ انا بستهلش كل هالتفكير والكهر والتخطيط اللي بيعمله عشاني , ما بستاهل !دخيل الله , وفي شغله في حياته مش راح احكيها , بس خليته يعملها مشان انو خلص يلتهي بالحياه وينساني او احكي مش انو ينساني , لانو بكدب عليكم وع حالي لو حكيت هيك , ما بدي اياه ينساني , بس هالشغله هاي تخليه يلتهي عني وما اكونش هالاشي الكبير بحياته , اكون ثانوي بحياته , اكون عشيقه يا ربي عشيقه مش اكتر ينعن شكله بس , وهالاشي مش زابط اخ بس , بالاخر في الطوشه حكالي مش طايكك وغيبي زي عوايدك وسكر السماعه وراح , هو صح انا بغيب كتير عنه , بس بضل المعروف معروف , انا مش له ولا بحياتي فكرت اتزوجه , بشوفه عشيق , مع اني بكل صراحه يا عالم , هو الوحيد اللي برضى فيا زي ما انا وبتحملني بكل قرفي وعصبيتي وعقلي , بس برجع وبحكي مش ارتباط ..~

هو انا بدي اعرف ليش هالكورنا هاد خلى كل اصحابي المتزوجين يبطلوا يرنولي ويتصلوا عليا , لهدرجه والله شغله خايفين من نسوانهم , ولا اه بس لما يكونوا بالشغل بس بحكو معي , معندهوش الجراه ليتصلوا عليا وهم بالبيت ؟!؟! الله الله الله , خويفين , لا كلهم عنجد نفس التصرف , يالله يالله يبعتو مسج هيك وبشوف انهم ببعتو المسج بالسرقه كمان .

||

بالنسبه لليوم الاحد , بعد طوشه امبارح بالليل اللي ضلت لنص الليل ,سكر الخط من هان فا روحت افتح الخط ع امي , الله يخليلي امي ويخلي جميع امياتكم ويرحم الاموات منهم , بعرفش اد بزودها بس انا صبيه نقطه ضعفي امي , وبكدرش ازعلها , وبحياتنا هالفتره هي دايما مريضه , وكل العيون وكل الحكي بكون الي باني السبب بمرض امي لانها بضل تفكر فيا واني كبرت واني مش متزوجه , لهيك كل لوم صحه امي عليا , وانا بعرف هاد الاشي لما يحكوه , لهيك ع كلشي بدها اياه بحكيلها اه وحاضر , الا بكصه الجيزه بكدرش مرات احكي اه , بس لما اشوف انو صحتها اختلفت بتنازل وبكون محروق قلبي من جوى وبرجع وبغير راي وبحكي اه عشان ارضي امي , وعشان ما اسمع حكي من اهلي "انتي السبب " بس بتيجي من ربنا انو ما بتزبط الكصه , لهيك لما اتكاتلت مع حبي وبالاصل هو اللي اتكاتل , وكنت بمرحله العجز انو عارفه حبي داخليا قلبه بتقطّع وبكدرش اعمل اللي هو بده اياه ولاني بحبه فا بنحرق قلبي عليه , وبنفس الوكت قلبي محروق ع امي انو بشوفها بتتعذب بالتفكير بكصتي وعم اخونها مع هالشب اللي متعبها , لهيك روحت اتصل عليها عشان اسمع صوتها واحكي بعقلي الله يهونها علينا يما , وسامحيني يما , يا رب يهونها علينا حتى ما اكسر خاطرك ولا خاطره , ويا رب انت ادرى بالمنيح النا , ولما حكيت الو معاها , اسمعت كلمتين هزو بدني , "ليش لحد الان سهرانه منتي بتنامش وبتصحي بدري ", وازعلت من هالكلمتين منها , هو كانت ردت فعل ع كلشي جوى عقلي وقلبي من الحكي اللي صار مع حبي ومع حالي , حكتلها بصوت حزين بس كنت بدي احكيلك بدي انام وسكرت الخط بدون ما اسمع جوابها .

||

نرجع ليوم الاحد اللي هو اليوم , امبين الكتابه اليوم مش راح تخلص , وعمرها , بس مع هيك من صمصومه قلبي شكرا الك اه اي حد لانك متابعني وعم تتعب عيونك وانت تقرأ , اعمل تكبير للصفحه بديش حد يصيبه وجع راس , اصحيت مش كتير بدري ولا كتير متاخر بس ناسي الساعه , لانو لكيت مسجات من المسنجر تبع امي , وكانوا صور , لهيك كنت متحمسه شو امي باعته صور , امي بتعرفش للمسنجر ولا بدها تعرف , اي يالله يالله مرات لما تكون شاكه بصحتي بتتصل فيديو عليه لتشوفني اد مريضه ولا لأ , والحمد لله دايما ربنا بسترها , روحت ركاض اشوف الصور , وكانوا الورد بالحوش تبع اهلي , ورد النسيم والنرجس , وهاد الورد ع زمني وهاد الورد من المفضل عندي كان وانا عندي اهلي , يالله شو كنت اكعد ع الارض جنبه للورد عشان ريحته الرهيبه اللي تتدخل بكل الكتب اللي كنت اقرئها جنبهم , كديش شريط حلو مر عليا عن حياتي جنب هالورد , الاغاني اللي كنت اسمعها متزكرها هلكيت ايش هي الاغاني اللي كنت اسمعها جنب هالورد , والكتب اللي قرائتها , وامي بعتت الصور وطلبت من زوجه اخوي تعمل هيك عشان بتعرفني كديش بحب الورد وعشان شافتني ازعلت من كلامها ع الخط لهيط بدها تراضيني .

بعدها كومت بلشت بروتيني الصباحي من كريمات لترتيب الدار وتنظيفها لاني ما عملت اشي امبارح , للفطور والكهوه , الا بنت اختي شهيره بتتصل عليا وتسال اد يجيو عندي وحكيت اه اهلا وسهلا عشان الحمد لله صحتي كتير منيحه , اجو الظهر عندي خواتي , وبعدها اتسهلوا وارجعت رتبت البيت وعملت عنايه بحالي , وارجعت حوالي المغرب ع التخت اشوف القناص وقرات صفحه من الكتاب وهالصفحه فيها اشي رهيب بحاول اكتبه , وحكيت مع امي تلفون وهيني , عليا اعمل روتين الليل وبتمنى اني اصور منه الليله هيك عشانكم , وفي فلم نفسي اشوفه صارلي تلات ايام بدي اشوفه ومعنديش وكت ..~

||

حكيت عن هاي الشركه قبل هالمره وانو انضحك عليا بالسعر , اشتريهم بضعف السعر ومبسوطه مع هيك ع اغراضهم بصراحه , بس مش راح اشتري منهم كمان مره لانو عينك عينك بعملوا تخفظيات بخلوني اشك في اغراضهم مع اني مجربتهم .. عندي 4 قطع منهم ..~



فرشاه للجسم مع رووس مختلفه , منيحه بس مش رهيبه زي تبعت الوجه بصراحه , بعرفش هاي الكطعه اللي مشكوك فيها , بستخدمها دايما وعاجبتني بس اوصلت لمرحله انو لازم اشتري رووس تانيه ؟ ومش مع ..~

||



فرشاه الاسنان اللي هي احلى اشي جربته منهم , وكل فتره بشتري رووس وكتير عاجبتني هالفرشاه , صارلها فتره طويله ومش براسي اشتري غيرها , هي اللي خلت سناني بيض ونظاف وحتى لثتي احسن , بتنظف ع تلات مراحل لمده دقيقتين وخلتني احب تنظيف سناني , رهيبه بصراحه ..~



تبعت الوجه كانت سبب كبير بحياتي انها خففت الحب ع وجهي وكنت استخدم بس المطاطي , وبصراحه هي خلتني اقتنع انو فراشي الوجه رهيبات وبساعدوا ,, فرق شاسع لما كنت اداوم عليها بس هلكيت ايش صار ؟؟! بطلت تشتغل , مكان البطاريه صار صدى ومرات بتعلّك وانا صبيه معنديش بال لاشي يغلبني , لهيك اشتريت غيرها بس هي لسا موجوده عندي لانو عاجبتني والا ما اصلحها لما افضى ..~


وفي عندي كمان واحده من الشركه بعرفش اد في صوره عندي وبستخدمها كمان , بتعمل موجات ودرجات حراره بستخدمها كتير الصبح ع الدرجه البارده مشان تخفف التنفخ بوجهي , ومرات بستخدم الحراره مشان بتخلي الوجه يشرب الكريمات اسرع واحسن , بس اللي اكتشفته لما استخدم الحار بتطلع حب ع وجهي ف بعرفش لاني مش متاكده , بس عملت مرتين هاد الاشي معي ..~








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 03-31-2020, 04:41 AM   #407
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

زي ما حكتلكم امبارح انو راح اصوّر مجريات الليل تبعي ..~

حاولت اكون شو انا بدون اي نفاق او كدب او اغيّر منه عشان اعجبكم , اكون الفتاه الكامله , بديش ! راح اكون مير ..~

||

بعد ما خلصت من المدونه .. ببلش احط اغاني وانا اعمل بروتين الليل , كان الاغنيه للأبنه اللي هي عندي افضل مغنيه لانو كل كلامها بحكي عني , وعندي ساعه فيها سماعه وهالساعه كديش بحبها بس لو صوتها اعلى , بس بضّل مناسبه الي ..~



هالساعه فيها بلوتوث للسماعه السبيكر تبعها وفيها راديو وفيها ضو وفيها منبه يعني عندي رهيبه وبعد ما شبكت بلفوني ع الاغنيه بلشت بتكميل روتين الليلي عندي ..

اسم الساعه CYLO AURORA

||


بشعل الشمعه اللي هالشمعه خلتني ينعن شكلها احب الشمع الغالي اللي بحياتي ما بفكر ادفع مبلغ كبير عليهم , طول عمري بحب الشمع بس يا بكون ريحته قويه كتير بتوجع راسي وبتقلب معدتي لهيك بسرعه بطفيهم , يا بسرعه بتخلص , هاي الشمعه بتعطي ريحه للغرفه خفيفه جدا , بس بنفس الوكت في ريحه حلوه بس خفيفه لدرجه انو عقلي يحبها , وغير انه صارلها زمان عندي وكل ليله بشعلها ومع هيك لسا فيها

اسم الشمعه JONATHAN ADLER



كلشي جنب الشمعه من الكريمات هاد للنهار .

||

بعد ما اشعل الشمعه بروح ع الجهه التاني لكريمات الليل , بحط نص الكريمات لانو معي وكت لقناع , وبكدبش عليكم هاي وقت بحياتي بكون مبسوطه وانا اعمل فيه ومستمتعه , بعرف انو زياده عن اللزوم , بس بشوف هاي الاشي تعويض لتعبي بحياتي .



بعدين بروح ع جرار الاقنعه



بعرف بعرف والله انو كتير , وامي بضّل تكاتل عليا , بس بحكيلكم بكدرش اعيش بدون هالكصص هاي , بكدر اعيش بدون اواعي(ملابس) , بدون شناتي , بدون ناس , بس بكدرش اعيش بدون اقنعه وكريمات , بالعاده ما بستخدم الاقنعه المحرزين بالبيت , زي اي اقنعه من شركه 111 , اللي هي بالوكت هاد احسن شركه عندي , وكمان الاقنعه بالجرار مرتبين من ترطيب لتبيض للحب للتجاعيد للعيون للشفايف , وبحط القناع وانا ع التخت

||



اخترت هالقناع , ما رتبت التخت عشان اصورلكم اياه , بالعاده انا هيك اغلب ليالي كاعده بالتخت اقرا او اكل او اشرب , ومتمدده وانا اشوف افلام ومسلسلات, ومرات بشبك اللاب توب ع التلفزيون ومرات لأ , وكان ليله بدون شبك ع التلفزيون , باللحظه اللي بحط القناع بحط منبه عشان اقرا بنفس الوكت



وامبارح بس قرات عشرين دكيكه مش اكتر وكان هالكتاب




وعاجبني هالكتاب لحد الان مسمتعه كتير بكل كلمه بقرئها ..




||

بعد ما خلصوا العشرين دكيكه , كومت كملت كريمات ع وجهي , وروحت اعمل شاي بحب اشربه بالليل مع شويت مكسرات وبسكوت اللي اكلت نصهم قبل ما اخد الصوره




بعدها حكيت مع امي وبلشت اشوف بفلم مع كاسه الشاي اللي طلع مش حلو وما عجبني وكنت متوقعه انو احلى من هيك , لدرجه اغفيت وانا اشوف فيه واصحيت ع بلفوني برن كان حبي , حكيت بعقلي اطلع منه مش ناكصني مش وكتك , قلبت البلفون صامت وطفيت اللاب توب و رميته ع اللارض وارجعت انام ..~








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 04-01-2020, 07:55 AM   #408
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 كنت مشغوله بالكآبه ||..~

السلام عليكم

من ليل يوم التلاتاء || 3\31\20 ..~


بالبدايه هو ليش دايما انا بالمدونه هاليومين هدول ؟ لأنو فش شغل , الحمد لله رب العالمين , بس في مشكله انو لازم اشتغل بالبيت لهيك راح يبعتولي بلفون عشان نعمل اتصالات كميرا وهاد اشي بكرهه اكتر من شغل المحل , بس بضل عندي بديش اطلع من البيت واتعامل مع الزباين لاني صرت اخاف من المرض .

اشي تاني يمكن اكون اكتر صريحه عن حياتي او عن شو انا , هالاشي راح يبعد ناس اكتر عني , وهو بتصدكو اد بحكيلكم محدش كريب مني , الكل بعيد .. بشوفني من بعيد , محدش بيكرّب ! واللي بيكرّب بعاود يبعد . لما احكي مع ناس صريحين معي لدرجه النداله وشو انا معاهم , كديش من جوي بحترمهم بس ما بظهر هاد الاشي . مش راح احكي عن مجريات هاليومين لانو فش اشي محرز ينحكى , اللي لازم ينحكى عشان اتزكره انو بمواقف صارت معي هاليومين , اعرفت ليش الناس بتبعد ؟ حد عنده مشكله كبيره وكل حلولي انها المصاري , عم احكي معه واحكي معه لاعرف شو المبلغ مشان اساعده , يمكن ما تصدكوا , انا صبيه بعشق المصاري بس بنفس الوكت لاصحابي العزيزين عليا مستعده اساعدهم بالمصاري , سمعّني كلام هز بدني مع اني بعرف هاد الاشي عن حالي اني بحب المصاري , بس بالموقف اللي صار طلع انو المصاري ما بتحل المشكله , وحكالي " امفكره الدنيا مصاري , مصاري ع كل البشر , مشكلتي مش هي "وراح وتركني , وانا صبيه بعرفش اراضي حد وحتى لما بدي اراضي حد بخرب الكصه بزياده , وحسيت اني جرحته بكلامي عن المصاري وانا مش كاصده , هات عاد يرجع ..~

اخ يا ربي انا مش عارفه شو بكتب كاعده , صرت كاتب بلاوي ومسحتهم , مش عارف كيف ابلش الحكي هو كل هالحكي راح يكون عن حبي وعن حالي وعن اخوي واحد , ما احكي غير الله يهونها علينا يا رب , علينا كلنا ..~

بس انا ليش هيك ؟ ليش صبيه بتكمّل حياتها "كالعاده" زي ما حكو , بعد كلشي بصير معاهم اكمل حياتي واكل واروح ع شغلي , هو صح بفكر بمشكلتهم , وصح بفكر اني السبب والحل عندي ومع هيك بكمل حياتي وبحط مصلحتي بالاول , ليش انا بفكر لعشر سنين كدام , وليش بعيش عشان اهلي مش عشاني ..~

||





||

بدّور ع صديق جديد !

خلينا نضيّع المستقبل واحنا بنحكي عن الماضي ..~

كنت مشغوله بالكآبه ||..~








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 04-03-2020, 10:28 AM   #409
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم ..~

نص ليل الخميس وشوي بندخل في يوم الجمعه|| 4\2\20 ..~

قبل ما ابلش احكي اي شي , شكرا من صمصومه قلبي ع كل حد اللي لسا متابع معي وبقرأ وصامت , وشكرا من صمصومه قلبي لكل حد بحط تقيم , بعرفش كيف اشكركم بطريقه انتو بتحبوها , بس اعرفوا حتى لو ما شكرتكم اعرفوا من جواي بشكركم وبستدعيلكم بالخير وبستدعي لحالي معاكم ..~

انا هالكم يوم عم احاول اخلّي حالي كويه , وعم احاول الهي حالي عن التفكير بالكصه بس مش كادره , بضّل الكصه براسي , وع كد ما بظهر حالي كويه , ع كد ما انا بنهز باشي بسيط , واظن اجى الوكت اللي اكون فيه ضعيفه هان , فش حد احكيله يفهمني ويصبّرني ع اللي انا فيه , وانا مش عارفه شو اعمل؟! ليش مش عارفه شو سؤالي , اصوغه للناس مشان يعرفوا يساعدوني ويفهموني .

من فتره يمكن من سنه حكالي حبي انو مريض , كان يضل عندي شعره بالحياه انو في كدب بكلامه لانو مش كادره استوعب انو راح يموت باي لحظه , وكتير صارت مجريات خلتني احكي انو لأ هو مش مريض , عم اضل اكدب عحالي عشان ما اوصل للي انا هلكيت واصلته , هالشهر كان يضل حواليا , وهاليومين صارت كصص كبيره , وصار اخوي واحد يضل يحكي معي ويسال عني , وامي كمان صارت تسالني عن حبي اد بحكي معه وشو اخباره ؟ وصارت امي تحكيلي ارجعي للاكس تبعك الله ياخده يا رب هو السبب , هو واهله حسبي الله عليهم . وصلت معي لعندكم بالتفكير انو شو في شو في ؟ لما حكالي حبي انو مش مسامحني , لما حكالي بس بدي اشوفك هاد شو بدي بالدنيا وخلينا نموت مع بعض , كاين مريض كتير ! واليوم اجى عندي اخوي واحد بدون سبب , كال بده يشرب كهوه , ما طوّل بس كأنه بستى فيا اساله عن حبي , وسالته هو حبي مريض كتير؟ حكالي اه الله يشفيه بس امبين مش مطوّل , وحكى حكيت لامي انو ترجعي للاكس تبعك , اخوي خايف عليا من اشي لهيك بده ارجع للاكس؟ وضليت ماسك دموعي وحالي كدام اخوي وصرت احكي انو الله بشفيه واظهرت حالي كويه كدام اخوي , ولما اتسهل اخوي وسكرت الباب وراه , وبعدها مكدرتش امسك حالي , انجنيت ! دموع وحكي مع حالي , انا هلكيت بفتره ضعف وهروب وعجز , بتعرفوا شو يعني حد مريض وبطلب انو يشوفك وانتي تحكي لأ , انو بعرفه وبعرف كديش بحبني وبعرفه بس بده اياني وانا مش كادره انزل , كل ما افكر انو راح يجي يوم اصحى ع خبره لا سمح الله بكدرش الا اني انجن , كل ما افكر انو خلص بنزل عنده اضل جنبه بس عطول بيطلع طيف امي وابوي , اني تركت امريكا ,وانو بكدرش ارجع ع امريكا ,ومتاكده صحتهم لاهلي بتروح فيها لا سمح الله , يعني حياتي فيها خيارين يا هو يا اهلي , ومش لاكي حل ارضي الجهتين , اخ يا ربي دموعي مش كادرين يوكفو ولما ازعل بصيبني وجع راس واستفراغ وبالحمام وحالتي حاله هاليوم , يا رب الله يشفيه هيك الله كبير, يبي اعصابي ..يالله الدنيا معاي ! لا حول ولا قوه الا بالله .








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 04-15-2020, 08:59 AM   #410
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,300
مــرات الشكر: 7
نقـــاط الخبـرة: 1525

Icons13 رد: مأساة روح {هالكه} في اوراق تائهه ~

السلام عليكم , ايييش ..~

من ليله ايش اليوم ؟! التلاتاء 4\14\20 ..~

لما تكعد بالبيت بتنسى الايام ومن اللي بصير فيا , بس ما بتتخيلو وانا هلكيت بلشت اكتب بلشت ابتسم , عنجد بحب المدونه , وبشتاكلها , يمكن عشانها من الاماكن اللي محدش بيحكم عليا ولا حتى هي , بس مرات بكون نفسي تكدر تعطيني اجوبه وحلول .. اخدت نفس عميق , سامحوني مش راح احكي عن حياتي الحزينه اللي غيبت فيها عنكم , لاني بصراحه انا هربان منها وبديش ابلش اكتب وارجع للشريط , بس الحمد لله حبي لسا بخير , اما صحتي انا , يا حلاه عليها , مش مهم , بلشت اخفف تعصيب بحياتي كدام الناس , وبلشت اخفف حكي كمان معاهم , بلشت احتفظ برأي , بلشت احكي بعرفش , بلشت اسرح وهم عم يسمعوني حكي عشان ما اشي يهزني يخليني اعصب , وبلشت ما احكي مع حد من اصله الا للضروره وبهاد الاشي بلشت اكون كدامهم سعيده لطيفه معاهم , بس لما انترك لحالي ولما يجي الليل يا حبيبي ع الليل , بس مش مهم ! حره بحالي وباللي يصير فيا , وكلشي بكون تمام اد محدش عرف عنه صح ؟ ومش انا موضوع الحديث او احكي مش انا المهمه بحياتي هلكيت ..~

||

غيرت دكيور البيت ومبسوطه عليه , بعيد بالافلام المفضله عندي كاعده ب 3 و 4 مرات ومعنديش حب لاشي جديد اشوفه لانو بعرف اني بسرح وبعطيش حك لهيك بحب اشوف الكديم المفضل عشان ما اسرح , وكل ما اشوف وجهي بالمرايه بتصيبني كأبه اكتر مش عاجبني شكلي بالحب اللي طالع عليه عشان صحتي , خواتي بيجو عندي كل يوم بعد يوم وشغلي لسا الحمد لله ما طلبوني , بلعب ع الكمبيوتر ساعات وساعات وبعملش اشي باللعبه , و بقرأ ! يمكن الاشي اللي عنجد بنبسط فيه هو هالكتاب حتى لو بعيد الصفحات , بحب اعيد الصفحات , بحب اعيد كلشي بحياتي عفكره , والاشي اللي عنجد ينزلوا دموعي عليه هو قناه ع اليوتيوب عم يجربوا كصص وكنت اوكع عالارض من الضحك عليهم ..~

||

كل كلامي مخربط , بس المختصر منه اواضاعي مع حبي من مره وهاي اصعب مره بحياتي بخصوصه شغلات يمكن احكيها مع الزمن ..~

صحتي ونفسيتي بالارض , وجع راس ومراجعه وحبوب ع وجهي وفش نوم لا ليل ولا نهار ..~

شغلي لسا مش طالبين وراي بس بيطلبو اعمل اتصالات فيس تايم وزوم وانا بطنّش وبعمل حالي ما وصلني خبر اني اكون بالفيديو ويا رب يضلوا ناسيني يا رب ..~

اهلي وصلت لمرحله انو يحكو ويعملوا شو ما بدهم , هم الصح وانا الغلط , وصرت اكون خشبه معاهم لا احكي ولا اتفاهم معاهم ولا بهمني شو بيعملوا وهاد خفف المشاكل عالاخر ..~


بحكيش مع حد من اصحابي بالمره وبهمونيش عالاخر شو ما كان صاير معاهم ومتاكده صاير معاهم كصص كبيره , بس لانو انا محطمه ولانهم تبعون حكي بالوعود تبعتهم وبالاخر بطلع الحك عليا !! لهيك )^&$*#&**^* عليهم كلهم &&*$^$**$* هاد الناكص والله , روحوا *)&&%^$ُ^#$ نسوانكم روحو &%^%*ُ#$^& ..~

||



كنت احكي عن حالي اني منيحه
وامي حكتلي لازم نرضى وما نحط امل وسقطت
كل الالوان انغسلت والنجوم عملت حوادث








~ | آسك| آكبس |~

BeautifuL StrangeR غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< PARASITE➤طفيلي➤ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 07:24 PM.


Powered by vBulletin® Copyright ©2000 - 2020, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity